وش تعلمت بعد سنه من يانا

كني بديت امس والله

في هذا الرحلة مع يانا كانت رحله غريبة

وغريب بالنسبه لي شي صعب لاني دايما اعرف وش اسوي وليه اسويه

بس هالمره زي ما يقولون طلعت من اطار الكمفرت زون

وخضت تجارب جديده مو على الصعيد الاسبوعي او اليومي بل اللحظي

 

وهذا تلخيص الي تعلمته 


Self Confidences & Awarness –  الوثوق والوعي  

اول شي تعلمت انه ماكنت واثقة بنفسي زي ما كنت متخيله

تعلمت ان في افكار داخل مخي قاعده تتحكم فيني وانا مدري

لاحضت هالشيء  كل ما جيت اسوي شي جديد ليانا مثلا انستقرام

تجي افكار زي : مين انتي تفتحين بلوق؟ اصلا مين بيقرا ..ت

 

مع اني اعرف في جوف قلبي اني انا بكبر واسوي شي بطل جدا

الا انه كل ما جيت سويت شي جديد الافكار الي تجيني مضادة للايمان الداخلي على المدى البعيد

فصرت  واعية لافكاري واحاول اوافق بين افكاري الي باللحضة مع افكاري الي على المدى البيعد


Sea of Opotions -التركيز

ثاني شي تعلمته انه قد ايش سهل لمن تسوي شي جديد انك تنسى ليش بديت

 الهدف من يانا  هو مكان اعبر فيه عن نفسي وافيد الناس بطريقة ايجابيه وابداعية

واني اسوي شي احبه .. لان كل شي سويته الى الان كان مجرد مسؤوليات

مدرسه  جامعه  وظيفة

بس مع كل يوم يومه لازم اذكر نفسي خاصة بعد ما يجني اراء الناس كيف يانا المفروض تكون

وهنا تجي النقطة الثالثة


The Vision – البصيرة 

لمن ابدى شي جديد

هو لسى جديد وفكره في مخي وبصيرة جواي محد يشوفها

حتى لو قدرو يتخيلونها مرح توفي

  وعشان كذا تعلمت انه عادي لو احد انتقد او ما فهم او حس انه شي غبي او شي مارح يعجبهم

لان الفكره لسى ما تبلورت لشي ملموس او محسوس معنويا

 وصارت لي اكثر من مره  ..  وخاصة لمن سويت اول منتج لي محد كان متحمس لين شافوه واستعملوه بعدين عجبهم

تعلمت اني اخذ اراء الناس واتعلم منهم بس ما اضيع واركز على هدفي

The customer is always right , but always stay true to your vision

Your people will gravitate and you will create a need


Do the little things   –  التطبيق السريع

 تعلمت اني مهما قريت وحضرت دورات ماراح استفيد لو ما طبقت

عشان كذا غصبت نفسي اذا جا على بالي فكره  اسويها على طول قبل لا مخي الخواف يقنعني انه مو لازم اسويه الحين

Overcome your lizard brain – your lizard brain tries to make you safe no matter what

زي قبل يوم فتحت شركة الشخص الواحد

 تدرون وش اول فكره جتني

انه مو لازم الحين ممكن تسوينه بعدين

سألت نفسي: ليش بعدين ؟

ما كان أي سبب مقنع غير ان مخي خايف اني اخسر

بعدين بعد ما اقنعت نفسي انه مافي شي يخوف

قال مخي : مين انتي تفتحين شركة ومافي احد معك وتوك صغيره

بعد هذي الفكره بالزبط .. قلت طزززز وفتحت الشركة ب 15 دقيقة


اخر شي بقوله اذا تبي تسوي شي تحبه
سوه الحين
 وترى كل احد مشغول بنفسه فعادي لو خبصت محد فاضي يناظر وش سويت
وخلي منك انه لازم يكون عندي خبرة عشان ابدى
الخبرة تكتسب بعد ما تبدى مو العكس
وهذي شركتك او مشروعك انت تقرر اذا تبي 3 سنوات خبرة او 0 سنوات خبره
  حدد مصيرك
واعطي نفسك حقها !ن
 محبتكم ,ندى
انا بكون هنا اخبص واعافر افكاري لين انجح
حياكم 

Inspirational Videos

Leave a Reply

This site uses Akismet to reduce spam. Learn how your comment data is processed.